Belçikada terror təşkilatı PKK-nın televiziya kanallarında əməliyyat keçirilib
Belçika polisi terror təşkilatı PKK-nın sözdə media strukturuna qarşı əməliyyat keçirib.
Belçika mətbuatı xəbər verir ki, federal polis ölkənin Flamand bölgəsinin Denderleuv qəsəbəsində yerləşən və terror təşkilatı PKK-nın təbliğatını aparan "Sterk TV" və "Medya Haber" TV-nin istifadə etdiyi ofislərə basqın edib.
Çox sayda Belçika polisinin qatıldığı əməliyyat çərçivəsində ofislərdə axtarış aparılıb. Təxminən 5 saat davam edən əməliyyatda bəzi kompüterlər və çoxlu sənəd ələ keçirilib.
Denderleuv Bələdiyyə Başçısı Co Fonk terror təşkilatı televiziyasına polisin əməliyyat keçirdiyini təsdiqləyib.
Terror təşkilatı PKK/YPG-nin 150-yə yaxın tərəfdarı martın 25-də Brüsseldə Avropa Parlamentinin qarşısındakı barrikadaları sökərək polisə hücum edib. Əvvəlcə Türkiyənin Brüssel səfirliyinin yerləşdiyi küçəyə, daha sonra AB qurumlarının yerləşdiyi Şuman meydanına doğru getmək istəyən kütlə polis maneələri ilə qarşılaşıb.
