Yevlaxdakı partlayışda yaralanan kafe sahibi öldü
Ötən gün Yevlaxdakı kafedə baş verən partlayışda yaralanan şəxs vəfat edib.
“Qafqazinfo” xəbər verir ki, həmin şəxsin kafenin 1969-cu il təvəllüdlü sahibi, Yevlax sakini Ruslan Şirin oğlu Sadıqov olduğu müəyyənləşib.
Yaralı xəstəxanada göstərilən tibbi müdaxilələrə baxmayaraq ölüb.
Bildirilib ki, partlayışa ümumi sahəsi 230 m² olan obyektin daxilində mövcud olan maye-qaz balonunun partlaması səbəb olub.
Faktla bağlı Yevlax Rayon Prokurorluğunda araşdırma aparılır.
