Neftçalada partlayışda yaralanan ikinci qardaş da vəfat etdi
Neftçalada baş verən partlayışda xəsarət alan ikinci qardaş da ölüb.
APA-nın məlumatına görə, ötən gün Neftçala rayonunun Xolqaraqaşlı kəndində yanğınla müşayiət olunan partlayışda ağır xəsarət alan 1995-ci il təvəllüdlü Əzizov Babək Bəylər oğlu müalicə aldığı xəstəxanada dünyasını dəyişib.
Qeyd edək ki, hadisə nəticəsində 2001-ci il təvəllüdlü Əzizov Bayram Bəylər oğlu hadisə yerində yanaraq ölmüşdü. Onun qardaşı Babək Əzizov isə müxtəlif dərəcəli yanıq xəsarətləri ilə Neftçala Rayon Mərkəzi Xəstəxanasına yerləşdirilmişdi.
Faktla bağlı araşdırma aparılır.
