Nazirlik nümayəndəsi: Məktəblərdəki bədən tərbiyəsi müəllimləri ziyanlı məşq keçirlər
Məktəblərdəki bədən tərbiyəsi müəllimləri ilə bağlı problemlər var.
Bunu Milli Məclisin Gənclər və İdman Komitəsinin iclasında Gənclər və İdman Nazirliyinin İdman şöbəsinin müdiri Elnur Məmmədov deyib.
Şöbə müdiri bildirib ki, İdman həftəsi çərçivəsində Məşqçilər Forumu təşkil edilib: "Mütəxəssislər idmançının formalaşmasında önəmli rol oynayırlar. Onlarla çox işlər görməliyik. Məktəblərdəki bədən tərbiyəsi müəllimləri ilə bağlı problemlər var. Müəllim məşq prosesində istəmədən olsa da, ziyanlı məşq keçir. Bu da sağlamlığa zərər vurur".
