Voleybol millimiz yenə qələbə qazandı
Azərbaycanın voleybol millisi Avropa çempionatında növbəti qələbəsini qazanıb.
AFN.az xəbər verir ki, Faiq Qarayevin baş məşqçisi olduğu komanda C qrupunun II turunda İspaniya seçməsi ilə üz-üzə gəlib.
Milli Gimnastika Arenasındakı qarşılaşma Azərbaycan yığmasının qələbəsi ilə bitib - 3:0 (25:16, 25:22, 25:14).
Xatırladaq ki, Azərbaycan millisi I turda Portuqaliyaya eyni hesabla qalib gəlib. Komanda hazırda 6 xalla C qrupunun lideridir. Bu qrupun oyunları avqustun 28-nə qədər Bakıda keçiriləcək.
