İranda avtobus qəzaya uğrayıb, 20 nəfər ölüb
İranın şimal-qərbində avtobusun qəzaya uğraması nəticəsində 20 nəfər ölüb, 23 nəfər yaralanıb.
"Report" İSNA-ya istinadən xəbər verir ki, qəza səhər tezdən Semnan əyalətinin Xatır Kux ərazisində baş verib.
Sərnişin avtobusunun Tehran – Kəlalə marşrutu üzrə hərəkət etdiyi bildirilir.
Yaralılar yerli xəstəxanalara çatdırılıblar.
