Pakistanda sərnişin avtobusunun aşması nəticəsində 20 nəfər ölüb
Pakistanın Gilgit-Baltistan bölgəsində Karakorum şosesində sərnişin avtobusunun aşması nəticəsində 20 nəfər həyatını itirib, 21 nəfər isə yaralanıb.
Axtarış-xilasetmə rəsmilərinin verdiyi açıqlamaya görə, yerli vaxtla saat 05.30-da sərnişin avtobusu Çilas bölgəsində magistral yolda aşıb.
İlkin məlumata görə, qəza nəticəsində 20 nəfər ölüb, 21 nəfər yaralanıb.
Yaralılar Çilasdakı xəstəxanalara aparılıb.
