Türkiyədə yol qəzası olub, 6 nəfər ölüb, 3 nəfər yaralanıb
Türkiyənin Ankara əyalətinin Kahramankazan rayonunda iki avtomobilin toqquşması nəticəsində 6 nəfər ölüb, 3 nəfər yaralanıb.
“Report” xəbər verir ki, məlumatı “TRT Haber” yayıb.
Məlumata görə, hadisə Ankara-Kahramankazan avtomobil yolunun 16-cı kilometrliyində baş verib. Əskişəhərdən Kahramankazana dəfn mərasiminə gedən və içərisində 5 nəfərin olduğu avtomobil 4 nəfəri işə aparan maşınla toqquşub.
Yaralananlar Ankara şəhər xəstəxanasına yerləşdiriliblər.
