On minlərlə insan iş yerini itirəcək
Pandemiyanın dünya iqtisadiyyatına vurduğu zərər bəla bitdikdən sonra da davam edir. Dünyanın ən böyük şirkətləri belə, hələ də pandemiyadan əvvəlki vəziyyətinə qayıda bilməyiblər. Hətta minlərlə insanı işdən çıxarmağı planlaşdıranlar da var.
AFN.az xəbər verir ki, “Amazon” 18 mindən çox iş yerini ixtisar edəcəyini açıqlayıb. Bu, şirkətin tarixində ən böyük ixtisar olacaq. Şirkətin baş direktoru Andy Jassy şirkətin bloqunda qeyd edib: "Biz adətən birbaşa təsirə məruz qalan insanlarla danışana qədər bu nəticələrlə bağlı əlaqə qurmaq üçün gözləyirik. Lakin komanda yoldaşlarımızdan biri bu məlumatı sızdırdığından, təfərrüatları birbaşa məndən eşitmək üçün bu xəbəri daha əvvəl paylaşmağın daha yaxşı olacağına qərar verdik”.
Qeyd edək ki, texnologiya şirkətləri uzun müddətdir ki, tənəzzül ehtimalına hazırlaşır. Həm “Amazon”, həm də “Salesforce” pandemiya zamanı çox tez işçi götürdüklərini etiraf etdilər. “Amazon” xüsusi olaraq etiraf edib ki, bu dövrdə istehlakçıların onlayn sifarişi artdıqları üçün anbarlara daha çox işçiləri götürüblər. Üçüncü rübün sonunda şirkətdə 1,54 milyon insan işləyirdi.
Leyla
