Naxçıvanda güclü zəlzələ olub
Naxçıvan Muxtar Respublikasında 5,3 bal gücündə zəlzələ olub.
Yeraltı təkanlar saat 22:15 radələrində qeydə alınıb.
Zəlzələ 10-15 saniyə davam edib. İlkin məlumata görə, dağıntı və tələfat yoxdur.
Ermənistanda yeraltı təkanların gücü 5 bala çatıb. Ən güclü təkanlar Zəngəzur bölgəsi (5 bal), Dərələyəz, Ararat bölgələrində və İrəvanda (3-4 bal) olub. Armavir və Kotaykda 2-3 ballıq təkanlar qeydə alınıb. Zəlzələnin episentrində - İranın Xoy şəhərindən 34 km aralıda - yeraltı təkanların gücü daha yüksək olub.
Tələfat və dağıntı barədə hələlik məlumat yoxdur.
