Rusiyanın Aİ-yə nüvə enerjisi ixracı artıb
2022-ci ildə ABŞ və müttəfiqlərinin nüvə sektoruna qarşı cəzalar tətbiq etməkdən çəkinməsi nəticəsində ölkənin strateji sənayesində nüvə yanacağı və texnologiyasının ixracı 20 faizdən çox artıb.
AFN.az Bloomberg-ə istinadən xəbər verir ki, Avropa İttifaqı (Aİ) ölkələrinin idxalı son üç ilin ən yüksək səviyyəsinə yüksəlib. Bu fürsət Rusiyanın nüvə yanacağı və texnologiyası satışının ötən il artımına səbəb olub.
NATO üzvləri, o cümlədən Bolqarıstan, Çexiya, Macarıstan və Slovakiya keçən il də sanksiyalara məruz qalan Rusiyadan nüvə yanacağı almağa davam ediblər.
Dünya Nüvə Sənayesinin Statusu Hesabatına əsasən, 2022-ci ilin ortalarına olan məlumata görə, dünyada tikilməkdə olan 53 reaktordan 20-si Rosatom tərəfindən tikilir, 17-si isə Rusiyadan kənarda yerləşir.
