Türkiyənin müdafiə naziri Ankarada baş verən partlayışa görə səfərini təcili dayandırdı
Türkiyənin müdafiə naziri Yaşar Gülər Suriya ilə sərhəddə yerləşən Hatay vilayətinə səfər proqramını paytaxtdakı raket zavodunda baş verən partlayışdan sonra yarımçıq qoyub və Ankaraya qayıdıb.
Ankara valisi Vasip Şahin bildirib ki, raket zavodunda baş verən partlayış partlayıcı maddələrin istehsalı zamanı baş verən nəzarətsiz kimyəvi reaksiya nəticəsində baş vermiş ola bilər. Valinin sözlərinə görə, partlayış dinamit istehsalı sexində baş verib. Beş işçi həlak olub. Xilasedicilər dağıntılar altında olan bütün insanlara çatıb.
