Goranboyda minlərlə çətənə kolu məhv edilib
![](/uploads/posts/2023-06/1687508084_cetene.jpg)
Goranboyda üç tona yaxın yabanı halda bitən çətənə kolları məhv edilib.
Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, Goranboy Rayon Polis Şöbəsinin əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində rayonun Zeyvə kəndi ərazisində yabanı halda bitən narkotik tərkibli çətənə kolları aşkar edilib.
Ümumi çəkisi 2 ton 482 kiloqram olan, 4850 ədəd çətənə kolu kökündən çıxarılıb və yandırılaraq məhv edilib.