Londonda eko-aktivlər "Gey parad" əleyhinə etiraz aksiyası keçiriblər
"Just Stop Oil" fəalları Londonda hər il keçirilən cinsi azlıqların paradını dayandırmağa çalışıblar.
AFN.az-ın xəbərinə görə, "The Guardian" yazır ki, təbiət mühafizəçiləri LGBT nümayəndələrinə qarşı etiraz aksiyası keçirilib.
Yerli vaxtla saat 13:30-da bir qrup etirazçı gey-parad iştirakçılarının hərəkətini dayandırmaq üçün Daun küçəsində Pikadilli Sirkinin çıxışında yolun kənarında oturub. 15 dəqiqədən sonra 7 nəfər saxlanılıb, yolun hərəkət hissəsi təmizlənib. Eko-aktivistlərin etirazlarına baxmayaraq, cinsi azlıqların paradı davam edib.
"Just Stop Oil" etirazın parada sponsorluq edən şirkətlərə yönəldiyini bildirib. Fəalların fikrincə, bu müəssisələr çox çirkləndiricidir, ona görə də onlarla tərəfdaşlıq etmək "ayıbdır". Mühafizəçilər vurğulayıblar ki, iqlim dəyişikliyinin yaratdığı sürətlənmiş sosial tənəzzül səbəbindən ən çox əziyyət çəkən LGBT icmasıdır.
"London Pride" sponsorları arasında "United Airlines" və "Coca-Cola" da var. Qarşısında fəalların əyləşdiyi yük maşınına sonuncu şirkətin loqoları çəkilib.
Yanvar ayında "Just Stop Oil" iştirakçıları, əgər hakimiyyət qlobal iqlim dəyişikliyi problemini həll etməkdən imtina edərsə, gələcəkdə daha çox etirazlar keçirəcəkləri ilə hədələyiblər. Onlar bildiriblər ki, 2023-cü ildə baş verəcək hücumlar sənət əsərlərinə də təsir edə bilər.
