"Tesla" 2-ci rüb tədarüklərini 466 min avtomobil rekorduna çatdırıb
2023-cü ilin ikinci rübündə Amerikanın elektrikli avtomobil istehsalçısı "Tesla" qiymət endirimləri və elektrikli avtomobillərin alınması üçün dövlət subsidiyaları sayəsində tədarükləri kəskin şəkildə artırıb.
AFN.az xəbər verir ki, bu barədə şirkətin mətbuat xidmətindən bildirilib.
Aprel-iyun aylarında şirkət dünya bazarına bir il əvvəlki 254 695 avtomobilə qarşı 466 145 avtomobil çıxarıb. Bu rəqəm "Tesla" üçün rekorddu.
Refinitiv tərəfindən sorğuda iştirak edən analitiklər orta hesabla 445.000 avtomobilin çatdırılmasını gözləyirdilər.
"Model 3" və "Model Y" büdcə modellərinin tədarükü 446 915 ədəd, daha bahalı "Model S" və "Model X" - 19 225 ədəd təşkil edib.
Ötən rübdə "Tesla" 479,7 min avtomobil istehsal edib ki, bu da bir il əvvəllə müqayisədə 85,5% çoxdur. İstehsal ardıcıl beşinci rüb üçün tədarükləri üstələyir.
"Tesla" iyulun 19-da ABŞ bazarı bağlandıqdan sonra birinci rüb üçün maliyyə hesabatlarını dərc etməyi planlaşdırır.
2023-cü ilin əvvəlindən avtomobil istehsalçısının birja kotirovkaları 2,1 dəfə (112%) artıb, Nasdaq Composite fond indeksi isə bu müddət ərzində 31,7% artıb.
