Salvador parlamenti cinayətkarlıqla mübarizə məqsədilə fövqəladə vəziyyətin müddətini uzadıb
El Salvadorun Qanunvericilik Assambleyası (Parlamenti) cinayətkarlıqla mübarizə məqsədilə 2022-ci ilin martında tətbiq edilən fövqəladə vəziyyətin müddətini növbəti dəfə uzadıb.
“Sizin və ailənizin təhlükəsizliyini təmin etmək üçün fövqəladə vəziyyətin müddətini uzadırıq. Ölkəmizdə cinayətkarlıq xərçənginin kökünü kəsməyincə və bandalara qarşı müharibədə qalib gələnə qədər dayanmayacağıq”, - deyə parlamentin X sosial şəbəkəsində açıqlama verilib.
Salvadorda fövqəladə vəziyyət bir neçə dəfə uzadılıb. Respublikada kriminal vəziyyət gərgin olaraq qalır. Belə ki, ölkə prezidenti Nayib Bukelenin sözlərinə görə, mütəşəkkil cinayətkar icmalar (OCC) ölkə ərazisinin 80%-ə qədərinə nəzarət edə bilir. Zorakılığa görə əsasən Mara Salvatrucha və Barrio 18 dəstələri məsuliyyət daşıyır.
