Ukrayna: "Rusiya PUA-larla İzmail limanını vurdu"
Rusiyanın gecə saatlarında Ukraynanın Odessa vilayətindəki İzmail limanını vurduğu açıqlanıb.
Ukrayna Hərbi Hava Qüvvələri Komandanlığından verilən açıqlamaya görə, Rusiya gecə saatlarında “Şahed” tipli PUA-larla Ukrayna ərazisinə hücum edib.
Rusiya ordusunun cənub-şərq istiqamətindən 38 PUA-nı havaya qaldırdığı qeyd edilən açıqlamada, 26 “Şahed” PUA-sı Ukrayna müdafiə qüvvələrinin digər bölmələri tərəfindən vurulduğu bildirilib.
Odessa Vilayəti Hərbi Administrasiyasının rəhbəri Oleq Kiper də sosial media hesabındakı paylaşımında Rusiyanın gecə saatlarında PUA-larla Odessaya hücum etdiyini yazıb.
İHA-ların çoxunun vurulduğuna diqqət çəkən Kiper, İzmail rayonundakı liman infrastrukturunun vurulması nəticəsində 2 nəfər yaralandığını qeyd edib.
Hücum zamanı nəzarət-buraxılış məntəqəsi binasına və anbarlara ziyan dəyib, təxminən 30 yük maşını və 6 qoşqu yanıb. Yanğının söndürüldüyü bildirilib.
