ABŞ-ın səhiyyə şirkəti "Kaiser"in ən azı 75 mindən çox işçisi tətilə başlayıb
ABŞ-ın ən böyük səhiyyə təşkilatlarından biri olan "Kaiser Permanente"in 75 mindən çox işçisi pis iş şəraiti səbəbiylə tətilə başlayıb. "Kaiser Permanente" Birlikləri Koalisiyasının rəsmiləri bu səhər Kayzer rəhbərliyi ilə görüşdən heç bir nəticə ala bilməyib.
Tibb bacıları, təcili xidmət texnikləri və tənəffüs terapevtləri də daxil olmaqla ABŞ-da yüzlərlə şöbəsi olan Kaiser-in 75 mindən çox işçisi oktyabrın 7-dək davam edəcək iş dayandırmağa başlayıb.
"Kaiser Permanente" Həmkarlar İttifaqı Koalisiyasından verilən açıqlamada, işin dayandırılmasının ABŞ tarixində səhiyyə işçilərinin ən böyük tətili olduğu bildirilib.
“Qeyri-kommersiya fondu” statusuna malik olan səhiyyə müəssisəsinin işçiləri yaşayış bahalığına qarşı maaşların artırılması və işçilərin sayının artırılması kimi əsas hüquqların tələblərini dilə gətirirlər.
Vaşinqton, Kaliforniya, Virciniya, Oreqon və Kolorado kimi əyalətləri əhatə edən işin dayandırılmasının məqsədi, təxminən 13 milyon xəstə tutumuna malik olan Kayzeri həmkarlar ittifaqı ilə masa arxasında oturmağa razı salmaqdır.
