İran müharibəyə qoşulur: Seyrçi qala bilmərik
İranın xarici işlər naziri Hüseyn Əmir Abdullahian bildirib ki, İsrailin Qəzzaya hücumları davam edərsə, heç kim vəziyyətin nəzarət altında olacağına və münaqişələrin genişlənməyəcəyinə zəmanət verə bilməz.
AFN.az xəbər verir ki, İranın yarırəsmi Tasnim Xəbər Agentliyinin məlumatına görə, rəsmi təmaslar üçün Qətərdə olan İranın xarici işlər naziri Hüseyn Əmir Abdullahiyan Qətər əmiri Şeyx Təmim bin Həməd Al Sani ilə görüşüb.
Fələstindəki son vəziyyətin qiymətləndirildiyi iclasda Abdullahiyan qeyd edib ki, əgər İsrailin Qəzzanın müdafiəsiz xalqına və vətəndaşlarına qarşı hücumları davam edərsə, heç kim vəziyyətin nəzarət altında olacağına və qarşıdurmaların baş verməyəcəyinə zəmanət verə bilməz.
İranın xarici işlər naziri Hüseyn Əmir Abdullahian 2Əl-Cəzirə" kanalına İsrailin Qəzzaya hücumları və mümkün quru əməliyyatı barədə danışıb.
Abdullahian deyib ki, sionist rejim tərəfdarları vasitəsilə biz İsrailə Qəzzaya hücumları dayandırmaq üçün mesaj göndərdik.
“Əgər hərbi cinayətlər davam edərsə, sabah çox gec ola bilər. Diplomatik səylər müharibənin genişlənməsinin qarşısını alacaq. Əks halda yaxın saatlarda nə olacağını heç kim təxmin edə bilməz. İran olaraq biz də artıq seyriçi qala bilmərik. Quru hücumu olarsa, Qəzza işğalçıların məzarına çevriləcək. ABŞ və İsrail həyata keçirdikləri siyasətə son qoymasalar, müharibə dairəsi genişlənəcək. ABŞ isə bundan əziyyət çəkəcək. Hücumların davam etdirilməsi və siyasi həll yolunun təqdim edilməməsi alova yağ tökmək kimidir. Hər şey, hər an nəzarətdən çıxa bilər”.//publika.az
