Kanadada müxalifət liderinin reytinqləri artır
Abacus Data tədqiqat təşkilatının keçirdiyi sosioloji sorğunun nəticələri belədir.
Sorğunun nəticələrinə görə, Poilievre-in bəyənmə reytinqi oktyabrda 36%-dən indi 40%-ə qalxıb. Oktyabrda 27% olan Trüdonu indi respondentlərin 29%-i dəstəkləyir. İndikatorların cüzi yaxşılaşmasına baxmayaraq, ekspertlərin qeyd etdiyi kimi, son ayların mənfi tendensiyası davam edir, çünki baş nazirin reytinqi sonuncu dəfə iyulda 30%-dən yuxarı qalxıb (31%) və artıq avqustda yenidən 2 faiz bəndi aşağı düşüb.
Respondentlərin 39%-i Kanada Mühafizəkarlar Partiyasına (oktyabrdakından 1% az), 26%-i isə liberallara (dəyişiklik yoxdur) səs verməyə hazırdır.
Abacus Data Trüdonun aşağı reytinqini seçicilərin 2015-ci ildən bəri ölkəni idarə edən liberalların siyasətindən ümumi yorğunluğu ilə izah edir.
Sorğu oktyabrın 27-dən noyabrın 1-dək aparılıb. Onda 2,2 min nəfər iştirak edib.
