ABŞ-dan açıqlama: "Türkiyəyə F-16-ların satışına dəstəyimiz davam edir"
Ağ Ev Milli Təhlükəsizlik Şurasının Strateji Kommunikasiyalar Koordinatoru Con Kirbi ABŞ administrasiyasının Türkiyəyə F-16 döyüş təyyarələrinin satışına dəstəyini davam etdirdiyini bildirib.
Kirbi gündəlik mətbuat brifinqində Türkiyəyə F-16 satışını dəyərləndirib.
Co Bayden administrasiyasının vəzifəyə gəldiyi gündən bu mövzuda eyni xətti izlədiyini qeyd edən Kirbi, "Vəzifəyə gəldiyimiz gündən bu mövzuda ardıcıl siyasət mövqeyimiz var. Biz əlavə F-16-ların satışını dəstəkləməyə və Türkiyənin F-16 donanmasının modernləşdirilməsi davam edirik”.
Kirbi F-16-ların satışı ilə bağlı Konqresə rəsmi bildirişin nə vaxt veriləcəyi ilə bağlı satış cədvəli ilə bağlı dəqiq bir tarix verə bilməyəcəyini bildirib.
2021-ci ilin oktyabrında Türkiyə ABŞ-a 40 blok-70 F-16 döyüş təyyarəsi və 79 modernləşdirmə dəsti almaq niyyəti məktubu göndərib. ABŞ administrasiyası indiyə qədər verdiyi açıqlamalarda F-16-ların Türkiyəyə satışını dəstəklədiyini bildirsə də, Konqresə nə vaxt rəsmi bildiriş verəcəyi ilə bağlı dəqiq açıqlamalardan yayınıb.
