Media şirkəti Sky bu il 1000 əməkdaşını ixtisar edəcək
Böyük Britaniyada yerləşən Sky media şirkəti bu il təxminən 1000 nəfəri işdən çıxarmağı planlaşdırır.
İngiltərə mətbuatında yer alan xəbərə görə, şirkətin xidmətlərinə internet üzərindən daxil olanların sayı və evlərinə peyk antenaları quraşdırmaq istəyənlərin sayı getdikcə azaldığından, işdən çıxarılacaq işçilərin əhəmiyyətli bir hissəsini mühəndislər təşkil edəcək.
Sky-ın bu il ixtisar etməyi planlaşdırdığı 1000 nəfər media şirkətinin işçi qüvvəsinin təxminən 4 faizini təşkil edir. Hazırda Sky-da təxminən 26.000 nəfər çalışır.
Xəbərdə sitat gətirilən Sky sözçüsü bildirib ki, müştərilər getdikcə daha çox mütəxəssis quraşdırması tələb etməyən Sky Glass və Sky Stream-i seçirlər və bu, şirkətin xidmətlərini təqdim etmək üçün ehtiyac duyduğu mövqelərin sayını dəyişməsinə səbəb olub.
