Rusiya: Fevralda 70-ə yaxın ukraynalı əsgər təslim olub
Ukrayna Silahlı Qüvvələrinin (AFU) 70-ə yaxın hərbçisi fevralın əvvəlindən Rusiya əsgərlərinə təslim olmaq üçün Volqa radio dalğasından istifadə edib.
AFN.az xəbər verir ki, bu barədə TASS hüquq-mühafizə orqanlarındakı mənbəyə istinadən məlumat yayıb.
İstənilən rəqəmsal radiodan əldə edilə bilən 49.200, 449.200, 149.200, 149.200 xüsusi radio dalğaları Ukrayna hərbçiləri tərəfindən rus əsgərlərinə təslim olmaq istəklərini bəyan etmək üçün istifadə olunur. Bunun üçün tezliklərdən birində Volqaya zəng etmək lazımdır, bu layihə 2023-cü ilin yayından qüvvədədir.
"Bir həftə ərzində Volqa dalğasının köməyi ilə 36 nəfər, fevralın əvvəlindən isə ümumilikdə 66 nəfər təslim oldu" - deyə mənbə bildirib.
