"Qalatasaray" sabah UEFA Avropa Liqasının cavab oyununda "Sparta Praqa"nın qonağı olacaq
UEFA Avropa Liqasındakı Türkiyə təmsilçisi "Qalatasaray" 1/8 final mərhələsinin pley-off mərhələsinin cavab matçında sabah "Sparta Praqa"nın qonağı olacaq.
Qarşılaşmanı britaniyalı hakim Entoni Teylor idarə edəcək. Teylorun köməkçiləri Qari Besvik və Adam Nann olacaq.
Mövsümə avrokuboklarda UEFA Çempionlar Liqasının 2-ci təsnifat mərhələsi ilə başlayan “Qalatasaray” müvafiq olaraq Litvanın “Zalgiris”, Sloveniyanın “Olimpija” və Norveçin “Molde” komandalarını keçərək qruplara düşüb.
Almaniyanın “Bavariya”, Danimarkanın “Kopenhagen” və İngiltərənin “Mançester Yunayted” komandalarının da olduğu sarı-qırmızılı komanda 1 qələbə, 2 heç-heçə və 3 məğlubiyyətlə A qrupunda üçüncü pillədə yekunlaşdırıb və UEFA Avropa Liqasında davam etmək hüququ qazanıb.
Pley-off mərhələsinin ilk oyununda"Qalatasaray" "Sparta Praqa"ya 3:2 hesabı ilə qalib gəlib.
Sarı-qırmızılı komanda sabah rəqibinə qalib gəlsə və ya heç-heçə etsə, növbəti mərhələyə yüksələcək.
