Bayden ABŞ federal departamentlərinin bir hissəsinin maliyyələşdirilməsi haqqında qanun imzaladı
ABŞ prezidenti Co Bayden ABŞ-ın bəzi federal departamentlərinin 2024-cü il sentyabrın 30-dək maliyyələşdirilməsini davam etdirən qanun layihəsini imzalayıb.
Bu barədə Ağ Evin internet saytı bildirib.
“Şənbə günü, 9 mart 2024-cü ildə ABŞ Prezidenti 2024-cü il üçün Konsolidə Edilmiş Təxsisatlar Aktını imzaladı”, - mesajda deyilir.
Belə ki, Bayden bir gün əvvəl ABŞ Senatında qəbul edilmiş Amerikanın bir sıra federal departamentlərinin, o cümlədən Kənd Təsərrüfatı Nazirliyi, Ticarət Nazirliyi və Ədliyyə Nazirliyini maliyyələşdirmək üçün təxminən 460 milyard dollar ayrılması ilə bağlı qanun layihəsini təsdiqləyib.
