Putin və Ərdoğan bütün vacib və həssas məsələləri müzakirə edəcəklər - Kiyev
Kremlin xarici siyasət müşaviri Yuri Uşakov Rusiya prezidenti Vladimir Putin və prezident Rəcəb Tayyib Ərdoğanın Qazaxıstanın paytaxtı Astanada keçiriləcək ikitərəfli görüşdə bütün vacib və həssas məsələləri müzakirə edəcəklərini açıqlayıb.
Yuri Uşakov paytaxt Moskvada jurnalistlərə verdiyi açıqlamada Putinin iyulun 3-də Astanada keçiriləcək Şanxay Əməkdaşlıq Təşkilatına (ŞƏT) Dövlət Başçıları Zirvəsi çərçivəsində keçirəcəyi ikitərəfli görüşlər barədə məlumat verib.
Rusiya prezidentinin iyulun 3-də Türkiyə, Azərbaycan və Çin, eləcə də Qazaxıstan, Pakistan və Monqolustan liderləri ilə ayrı-ayrılıqda görüşlər keçirəcəyi barədə məlumatı paylaşan Uşakov Putinin prezident Rəcəb Tayyib Ərdoğanla görüşü ilə bağlı deyib: "Uzun müddətdir ki, Türkiyəyə səfər planlaşdırılıb. Düşünürəm ki, iki lider bu məsələni müzakirə edəcək. Bundan başqa, Türkiyənin mövqeyini nəzərə alsaq, hesab edirəm ki, bir çox məsələlər var ki, onların üzərində çox mühüm rol oynayan ölkələrin liderləri var. Bölgə ilə bağlı fikir mübadiləsi aparılacaq. Türkiyə tərəfi ilə davamlı dialoqdayıq, davamlı olaraq telefonla əlaqə var. Bu yaxınlarda Putin Türkiyənin xarici işlər nazirini qəbul etdi və bütün vacib və həssas mövzular müzakirə olunacaq".
Putinin iyulun 4-də İranın müvəqqəti prezidenti Məhəmməd Muhbirlə də görüşəcəyini bildirən Uşakov, ŞƏT Dövlət Başçıları Zirvə toplantısında ölkələr arasında siyasət, iqtisadiyyat, təhlükəsizlik və bir çox sahələrdə əməkdaşlıq məsələlərinin müzakirə olunacağını deyib.
