Faciəvi şəkildə ölən şəxs dekan müavini imiş
Xəbər verdiyimiz kimi, Biləsuvarda 1976-cı il təvəllüdlü Quliyev Fövzü Manaf oğlu hündürlükdən yıxılaraq vəfat edib.
AFN.az universitetin yaydığı məlumata istinadən xəbər verir ki, Fövzü Quliyev Azərbaycan Memarlıq və İnşaat Universitetində (AzMİU) dekan müavini olub.
Bildirilib ki, AzMİU-nun İnşaat fakültəsinin dekan müavini Fövzü Quliyev tikintisi davam edən iaşə obyektinin damından yıxılaraq faciəvi şəkildə ölüb.
Hadisə F.Quliyev Fövqəladə Hallar Nazirliyinin Tikintidə Təhlükəsizliyə Nəzarət Agentliyinin Müayinə qrupunun aparıcı mütəxəssisi olaraq Biləsuvar rayonu ərazisində vəzifə səlahiyyətlərini icra edərkən baş verib.
Mərhumun 2 övladı yadigar qalıb.
