Livan Rusiyadan diplomatik yardım istəyib
Livan Yaxın Şərqdəki münaqişənin həlli üçün Rusiyadan diplomatik yardım istəyib.
AFN.az xəbər verir ki, bunu TASS-a müsahibəsində Livanın Rusiya Federasiyasındakı səfiri Şavki Bu Nassar deyib.
“Görüşlər zamanı mən BMT və digər beynəlxalq təşkilatlar da daxil olmaqla, Yaxın Şərqdə və dünyanın bütün maraqlı tərəfləri və nüfuzlu aktorları ilə təmasda diplomatik səyləri gücləndirməyi xahiş etdim”, - deyən diplomat qeyd edib ki, sülh yolu ilə hələ dəstək qazanmaq üçün bir çox çağırışlar edib.
Səfir xatırladıb ki, Rusiya xarici işlər naziri Sergey Lavrov və Livanın xarici işlər naziri Abdullah Bou Həbib bu yaxınlarda Birləşmiş Millətlər Təşkilatında (BMT) görüş keçiriblər. “Onlar həmçinin Livandakı vəziyyəti də müzakirə ediblər. Lavrov Rusiyanın Yaxın Şərqdə, xüsusən də Livanda münaqişəyə son qoymaq üçün bütün lazımi səyləri göstərməyə hazır olması barədə nazirimizi məlumatlandırıb”, - deyə Livan səfiri bildirib.
