Aİ-nin yeni administrasiyasının formalaşdırılması prosesi kritik mərhələyə çatıb
Avropa Parlamentinin (AP) Baş Assambleyasında keçiriləcək etimad səsverməsindən əvvəl Avropa İttifaqının (Aİ) icra orqanı olan Komissiyanın gələcək 5 ili üçün məsul olacaq yeni üzv namizədlər AP-yə proqramlarını təqdim etməyə başladılar.
İyunun 6-9-da keçiriləcək AP seçkilərindən sonra Aİ-nin növbəti 5 illik idarəçiliyində söz sahibi olacaq kadrların müəyyənləşdirilməsi prosesi davam edir.
İyulun 18-də AP Baş Assambleyasında keçirilən səsvermə nəticəsində Aİ-nin icraedici orqanı olan Komissiyanın yeni prezidenti növbəti dəfə alman siyasətçi Ursula fon der Leyen olub.
Sentyabrın 17-də Von der Leyen Aİ-nin hər bir üzv ölkəsini təmsil edən 27 nəfərlik komandasını ictimaiyyətə açıqlayıb.
Bu gündən yeni kabinetin namizədləri AP-nin müvafiq komitələrində öz proqramlarını təqdim etməyə başlayıblar.
Deputatların qarşısına ilk çıxan 2009-cu ildən Aİ Komissiyasının üzvü kimi Slovakiyadan göndərilən Maros Şefkoviç olub. Şefkoviç yeni dövrdə ticarət və iqtisadi təhlükəsizliyə cavabdeh olacaq.
Təqdimatlar noyabrın 12-dək davam edəcək.
Daha sonra AP Baş Assambleyasında Aİ Komissiyasının yeni komandası üçün etimad səsverməsi keçiriləcək.
Yeni Komissiyanın dekabr ayından fəaliyyətə başlayacağı gözlənilir.
Mənbə: AA
