Namibiyada ilk dəfə qadın prezident seçilib
Noyabrın 27-də keçirilən prezident seçkilərində ilk dəfə ölkə qadın prezident seçib.
AFN.az xarici mediaya istinadən xəbər verir ki, Namibiyanın vitse-prezidenti və hakim partiya olan Namibiya Cənub-Qərbi Afrika Xalq Təşkilatının namizədi Netumbo Nandi-Ndaitva seçkilərdə qalib gəlib.
Bu barədə seçki komissiyası təqdim edilmiş bütün bülletenləri emal etdikdən sonra məlumat yayıb.
Namibiya Yayım Korporasiyası seçki komissiyasının məlumatlarına istinad edərək bildirib ki, Nandi-Ndaitva 57 faiz səs toplayıb. Namibiyanı əvvəllər heç vaxt qadın idarə etməyib.
Prezident seçkilərində 15 namizəd iştirak edib. Birinci turda qalib gəlmək üçün onlardan birinin 50+ səs toplaması lazım idi.
72 yaşlı Nandi-Ndaitva Afrikanın ən təcrübəli siyasətçilərindən biridir. SSRİ-də təhsil alıb və “Kommunist gənclər hərəkatının işi və təcrübəsi” ixtisası üzrə diplom alıb. Sonrakı illərdə Nandi-Ndaitva müxtəlif dövlət vəzifələrində çalışıb və eyni zamanda parlament üzvü olub.
