Məşhur sığorta şirkətinin rəhbəri Nyu Yorkda güllələnib
Amerikanın "UnitedHealthcare" sığorta şirkətinin baş icraçı direktoru, 50 yaşlı Brayan Tompson Nyu-Yorkda güllələnib.
AFN.az xəbər verir ki, bu barədə "The New York Post" qəzeti polisdəki mənbələrə istinadən məlumat yayıb.
Bildirilir ki, qətl çərşənbə günü səhər Manhettendə Hilton otelinin yaxınlığında baş verib. Mənbələrə görə, naməlum şəxs Tomsonu vuraraq qaçıb.
Hadisənin təfərrüatları ilə bağlı hələlik açıqlama verilməyib.
