Yeni Dehlidə havanın çirklənməsi ilə bağlı vətəndaşlara xəbərdarlıq edildi
Hindistanın səlahiyyətliləri paytaxt Yeni Dehlidə havanın çirklənməsi səbəbindən vətəndaşlara mümkün qədər evdə qalmaq barədə xəbərdarlıq edib.
IQAir texnologiya şirkətinin məlumatlarına görə, paytaxt Yeni Dehlidə Hava Keyfiyyəti İndeksi (AQI) təhlükəli olaraq təyin olunan 300 həddini keçərək 581-ə yüksəlib.
Səlahiyyətlilər vətəndaşların havanın çirklənməsi səbəbindən nəfəs almaqda çətinlik, göz və boğazda qaşınma kimi şikayətlərlə qarşılaşa biləcəyini ifadə edərək, insanları bağlı yerlərdə qalmağa çağırıb.
IQAir rəsmisi Frank Hammes Yeni Dehlidə havanın çirklənməsinin Covid-19-dan daha çox ictimai sağlamlığa təsir edə biləcəyini qeyd edib.
Səhiyyə mütəxəssisləri çölə çıxmalı olan vətəndaşlara maska taxmağı tövsiyə edib.
“Mərhələli Döyüş Fəaliyyəti Planı (GRAP)” çərçivəsində bütün tikinti və söküntü işləri müvəqqəti olaraq qadağan edilib, əksər məktəblər təhsildə hibrid modelə keçib.
Yeni Dehli və ətraf ştatlar hər qış işlənmiş qazlar, odun, kömür və ya küləşin yanması və aşağı küləyin sürəti səbəbindən yüksək səviyyəli hava çirkliliyi ilə üzləşir.
