Bezos: Tramp-Mask əməkdaşlığı biznesimə təhlükə yaratmır
"Amazon"un qurucusu Jeff Bezos "SpaceX"in baş direktoru İlon Maskın ABŞ-ın yeni seçilmiş prezidenti Donald Trampla əlaqələrindən biznesinə xələl gətirmək üçün istifadə edəcəyini düşünmədiyini söyləyib.
Bu barədə biznesmen yanvarın 12-də Reuters agentliyinə müsahibəsində məlumat verib.
“Elon açıq şəkildə bildirib ki, o, bunu şəxsi mənfəət üçün deyil, ictimai maraqlar üçün edir. Və mən onun sözlərini nominal qiymətlə qəbul edirəm”, – "SpaceX"in rəqibi "Blue Origin"in qurucusu Bezos bildirib.
Bundan əlavə, "Amazon"un qurucusu əlavə edib ki, o, yeni administrasiyanın kosmik gündəliyi ilə bağlı çox nikbindir.
Agentlik milyarderin hazırda Kanaveral burnunda (Florida) olduğunu xatırladıb. Orada o, "SpaceX"in bazar üstünlüyünə meydan oxuyacağı gözlənilən "Blue Origin"in "New Glenn" adlı 30 mərtəbəli raketinin debüt buraxılışında iştirak edir.
