Slovakiya hökuməti 350 ayının vurulmasına icazə verdi
Slovakiya hökuməti mərkəzi Slovakiyada ayı hücumunda bir nəfərin öldürülməsindən sonra ölkənin qonur ayı əhalisinin təxminən dörddə birini güllələmək planını qəbul edib.
Baş nazir Robert Fikonun rəhbərlik etdiyi hökumət kabinet iclasından sonra verdiyi açıqlamada ölkədə təxmin edilən 1300 qonur ayının 350-nin öldürüləcəyini açıqlayıb. Qərarın ayı hücumlarının artması səbəbindən ictimaiyyətin təhlükəsizliyi üçün verildiyi bildirilib.
Baş nazir Fiko "İnsanların meşəyə girməkdən qorxduğu bir ölkədə yaşaya bilmərik" deyib.
Bu çərçivədə ayıların vurulmasına icazə verən xüsusi fövqəladə vəziyyət qərarı genişləndirilib və Slovakiyanın 79 bölgəsindən 55-nə yayılıb. Bu o deməkdir ki, ölkənin əksər hissəsi tətbiqi əhatə edir.
