Kənddə hər kəsi qorxuya salan şahin nəhayət tutulub
İngiltərənin Hertfordşir əyalətindəki Flamstead kəndində həftələrdir panikaya səbəb olan Harris adlı şahin nəhayət tutulub. Kənd sakinləri xüsusilə səhər saatlarında yırtıcı quşun qəfil hücumlarından çox narahat olduqlarını bildiriblər.
Fizioterapevt Stiv Harris deyib ki, gündəlik qaçışı zamanı bir şahin onu təxminən bir mil məsafədə telefon dirəklərində izləyib və nəhayət onun bağçasına enib.
Daha əvvəl iki dəfə şahin hücumuna məruz qaldığını deyən Harris, qaçış zamanı velosiped dəbilqəsi taxdığını söyləyib.
Quşun bağçaya girməsi ilə Harris dərhal hərəkətə keçərək tövləsində oturmuş halda tapdığı şahinin üzərinə qəfəsi ataraq tutmağı bacarıb.
Harris daha əvvəl şahini toyuqdan istifadə edərək qəfəsə çəkməyə çalışdığını, lakin buna nail ola bilmədiyini də söyləyib.
İki uşaq atası olan Harris deyib ki, şahin tez-tez uşaqlarının oynadığı ağaca enir və bu səbəbdən onları həftələrlə bağçaya buraxmır.
Tutulan Harris şahinin keçmişdə Wimbledon Tennis Turnirində göyərçinləri qorxutmaq üçün istifadə edildiyi öyrənilib. Sağlamlıq yoxlamalarından sonra şahin mütəxəssislərə təhvil verilib.
