Cənubi Afrikada meşə yanğınları nəticəsində 2600 hektar ərazi zərər görüb
Cənubi Afrika Respublikasının Keyptaun şəhərindəki Table Mountain Milli Parkında baş verən meşə yanğını 2600 hektar əraziyə ziyan vurub.
Cənubi Afrika Milli Parklarından (SANPARKS) verilən açıqlamaya görə, Table Mountain Milli Parkının Tokai və Silvermine bölgələrində meşə yanğını başlayıb.
Açıqlamada yanğınsöndürənlərin yanğını nəzarət altına almaq üçün qurudan və havadan əməliyyatlara davam etdiyi bildirilib.
Yanğının yaşayış məntəqələrinə keçməsinin qarşısının alınması üçün intensiv işlərin aparıldığı qeyd edilərək, “Təxminən 2600 hektar bitki örtüyü yanğından təsirləndi” ifadəsi işlədilib.
Şərhdə vətəndaşlardan yanğın bölgəsindən uzaq durmaları istənilib.
