Azərbaycan - Macarıstan oyununun biletləri satışa çıxarıldı
Futbol üzrə Azərbaycan və Macarıstan yığmaları arasında keçiriləcək yoldaşlıq oyununun biletləri satışa çıxarılıb.
AFN.az xəbər verir ki, biletlər azarkeşlər üçün üç qiymətə təklif olunur.
1-ci kateqoriya 5 manat, 2-ci kateqoriya 2 manat, VİP biletlər isə 10 manat qiymətə satışa çıxarılıb.
Qarşılaşmanı izləmək istəyənlər biletləri iTicket.az satış məntəqələrindən əldə edə bilərlər.
Qeyd edək ki, görüş iyunun 10-da, saat 20:00-da "Liv Bona Dea Arena”da baş tutacaq.
