"Qarabağ"ın ÇL-də rəqibi bu gün bəlli olacaq
Çempionlar Liqası: "Qarabağ"ın ilk rəqibi müəyyənləşir
Bu gün UEFA Çempionlar Liqasının II təsnifat mərhələsinin püşkatma mərasimi keçiriləcək.
Mərasimdə Azərbaycan çempionu "Qarabağ"ın da rəqibi müəyyənləşəcək.
Mərasim İsveçrənin Nyon şəhərində, Bakı vaxtı ilə saat 14:00-da başlayacaq.
Qurban Qurbanovun komandasının potensial rəqibləri arasında "Riyeka" (Xorvatiya) və "Pafos" (Kipr), həmçinin ilk raundda üz-üzə gələcək cütlərin qalibləri yer alır:
"Jalqiris" (Litva) - "Hamrun Spartans" (Malta),
"KuPS" (Finlandiya) - "Milsami" (Moldova),
"TNS" - "Şkendiya" (Şimali Makedoniya),
"Levadiya" (Estoniya) - "RFS" (Latviya),
"Drita" (Kosovo) - "Differdanj" (Lüksemburq),
"Vikinqur" (Farer adaları) - "Linkoln" (Cəbəllütariq),
"Eqnatiya" (Albaniya) - "Breydablik" (İslandiya),
"Şelburn" (İrlandiya) - "Linfild" (Şimali İrlandiya),
"Virtus" (San Marino) - "Zrinski" (Bosniya və Herseqovina),
"Noa" (Ermənistan) - "Buduçnost" (Monteneqro).
Qeyd edək ki, mərhələnin oyunları iyulun 22-si və 29-da keçiriləcək.
