Kürdəxanıda ər arvadını öldürüb intihar etdi
Sabunçu rayonunda dəhşətli cinayət hadisəsi baş verib.
“Qafqazinfo” xəbər verir ki, hadisə Kürdəxanı qəsəbəsində qeydə alınıb.
Qəsəbədə yerləşən fərdi yaşayış evlərindən birində 2 şəxsin ölməsi barədə rayon prokurorluğuna məlumat daxil olub.
Araşdırma zamanı 1979-cu il təvəllüdlü İlham Məmmədovun gecə saatlarında birgə yaşadıqları evdə 1988-ci il təvəllüdlü arvadı Gülnaz Məmmədovaya kəsici-deşici alətlə xəsarət yetirərək öldürməsi, daha sonra isə özünü asaraq intihar etməsinə əsaslı şübhələr müəyyən edilib.
Faktla bağlı Sabunçu rayon prokurorluğunda Cinayət Məcəlləsinin 120.1-ci maddəsi (qəsdən adam öldürmə) və 125-ci maddəsi (özünü öldürmə həddinə çatdırma) ilə cinayət işi başlanaraq istintaq aparılır.
