Pezeşkianla bağlı xəbər var: Təhlükəsiz yerdədir
İranın dövlət rəsmiləri Prezident Məsud Pezeşkianın vəziyyəti ilə bağlı yayılan məlumatlara aydınlıq gətirib.
AFN.az xəbər verir ki, ölkənin Aparat rəhbərinin informasiya və rabitə məsələləri üzrə müavini Məhəmməd-Mehdi Tabatabai dövlət başçısının səhhətinin qaydasında olduğunu bəyan edib.
"Hazırda Məsud Pezeşkian tam təhlükəsiz şəraitdədir" - deyə M.Tabatabai sosial şəbəkə vasitəsilə etdiyi paylaşımda bildirib.
O, həmçinin qeyd edib ki, ölkənin rəhbər heyəti öz gündəlik iş rejimini adi qaydada və stabil şəkildə yerinə yetirməkdədir.
