Çin İran nefti üçün hərəkətə keçdi
Çinin dövlət neft emalı zavodları qlobal tədarük qıtlığını aradan qaldırmaq məqsədilə ABŞ-ın sanksiyaları 30 günlük dayandırmasından sonra İrandan neft almaq üçün razılaşma yollarını araşdırır.
AFN.az xəbər verir ki, "Bloomberg"in mövzuya yaxın mənbələrə istinadən yaydığı məlumata görə, ABŞ-ın bu addımı bazara əlavə resursların cəlb edilməsi məqsədi daşıyır.
Xəbərdə həmçinin Milli İran Neft Şirkətinin nümayəndələri və vasitəçi treyderlərin Çin və digər Asiya neft emalı zavodları nəzdində potensial alıcıların marağını yoxladığı bildirilib. ABŞ-ın bir aylıq müvəqqəti güzəşti dəniz yolu ilə daşınan İran neftini əhatə edir.
Vaşinqton administrasiyası sanksiyaların dondurulmasının neft bazarına təxminən 140 milyon barel xam neft əlavə edəcəyini proqnozlaşdırır. Bu qərar Rusiya neftinə qarşı tətbiq edilən oxşar sanksiyaların yumşaldılmasından sonra verilib. Çin münaqişələrdən əvvəl İran neftinin əsas alıcısı mövqeyində idi və daşınan ümumi tədarükün 80 faizindən çoxunu satın alırdı.
"Kpler"in məlumatlarına görə, Çin ötən il gündəlik orta hesabla 1,38 milyon barel İran nefti idxal edib. Bu rəqəm Çinin dəniz yolu ilə idxal etdiyi cəmi 10,27 milyon barellik neft həcminin təxminən 13,4 faizini təşkil edir.
