“Qarabağ”-“Sabah” matçı Qurban Qurbanovun narazı olduğu hakimə tapşırılıb
Futbol üzrə Azərbaycan Kubokunda yarımfinal mərhələsinin ilk oyunlarının təyinatları açıqlanıb.
Peşəkar Futbol Liqasından verilən məlumata görə, “Turan Tovuz” – “Zirə” matçı FIFA referisi Əliyar Ağayevə tapşırılıb. "Qarabağ" - "Sabah" matçını isə Rauf Cabbarov idarə edəcək.
Azərbaycan Kuboku, Yarımfinal (ilk oyunlar)
3 aprel (cümə)
17:30. “Turan Tovuz” – “Zirə”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev
VAR: Cavid Cəlilov
Mehdi Hüseynzadə adına Sumqayıt şəhər stadionu
20:00. “Qarabağ” – “Sabah”
Hakimlər: Rauf Cabbarov, Elşad Abdullayev, Pərvin Talıbov, İnqilab Məmmədov
VAR: Kamal Umudlu
Tofiq Bəhramov adına Respublika Stadionu
Qeyd edək ki, “Qarabağ”ın baş məşqçisi Qurban Qurbanov Misli Premyer Liqasının 25-ci turunda “Kəpəz”ə 0:1 hesabı ilə uduzduqları matçdan sonra VAR-da oturan Rauf Cabbarovdan narazılıq etmişdi. O, R.Cabbarovun həmin görüşün 73-cü dəqiqəsindəki penalti epizodunu düzgün qiymətləndirməməkdə günahlandırmışdı.
