Səudiyyə Ərəbistanında səhralara dolu yağdı
Səudiyyə Ərəbistanının paytaxtı Ər-Riyad şəhərində baş verən güclü dolu yağışından sonra səhralar tamamilə ağ rəngə bürünüb.
AFN.az xəbər verir ki, Səudiyyə Ərəbistanının yerli mediasında yer alan məlumatlara görə, paytaxt Ər-Riyadın şimal-qərbində qəfil və şiddətli dolu yağışı qeydə alınıb.
Yağıntının intensivliyi nəticəsində bölgədəki səhra mənzərəsi qış görüntülərini xatırladaraq ağ örpəyə bürünüb. Mətbuatda dərc olunan xəbərlərdə Ər-Riyadın cənub və qərb hissələrindəki yüksək ərazilər, həmçinin Məkkənin şərq bölgələri üçün güclü yağış, sel, dolu və şiddətli külək xəbərdarlığı edilib.
