Yaponiyada 6,7 gücündə zəlzələ baş verdi
Yaponiyanın şimal-şərqindəki Ofunato şəhəri yaxınlığında 6,7 gücündə zəlzələnin baş verdiyi bildirilib.
AFN.az xəbər verir ki, ABŞ Geologiya Xidmətinin (USGS) məlumatına görə, Ofunatonun 8 kilometr cənub-şərqində qeydə alınan 6,7 gücündəki zəlzələ yerin 62,9 kilometr dərinliyində baş verib.
Zəlzələdən sonra hər hansı can və ya mal itkisi barədə məlumat verilməyib, həmçinin sunami xəbərdarlığı da edilməyib.
