PSJ Ferran Torresi heyətinə qatdı
UEFA Çempionlar Liqasının son 2 mövsümünün qalibi PSJ İspaniyaya Dünya Kuboku zəfərini gətirən qolu vuran hücumçu Ferran Torresi heyətinə qatıb.
AFN.az xəbər verir ki, Fransa Liqa 1 təmsilçisi PSJ ispaniyalı futbolçu Ferran Torresi transfer edib. PSJ-nin rəsmi internet saytında yayılan açıqlamada 26 yaşlı hücumçu ilə 2031-ci ilə qədər müqavilə imzalandığı və futbolçunun 9 nömrəli formanı geyinəcəyi bildirilib.
Ferran Torres də transferindən sonra verdiyi açıqlamada yeni macəraya qoşulduğu üçün xoşbəxt olduğunu və klubun mümkün qədər çox kubok qazanmasına kömək edəcəyinə ümid etdiyini bildirib.
Son olaraq La Liqada “Barselona” formasını geyinən ispaniyalı hücumçu ötən mövsüm keçirdiyi 49 matçda 21 qol vurub. Ferran Torres FIFA 2026 Dünya Kubokunda da İspaniyanın finalda Argentinanı 1:0 hesabı ilə məğlub edərək çempion olduğu qarşılaşmada qələbə qolunun müəllifi olub.
