Yaponiya yenə orbitə peyk çıxara bilmədi, raket məhv edildi
Yaponiyada reaktiv daşıyıcının texniki nasazlığı səbəbindən Yerin məsafədən zondlanması peykinin orbitə çıxarılması cəhdi ikinci dəfə baş tutmayıb.
AFN.az xarici mediaya istinadən xəbər verir ki, bu barədə Yaponiya Aerokosmik Tədqiqatlar Agentliyinin mətbuat xidməti məlumat yayıb. Bildirilir ki, ikinci mərhələnin mühərriki işə düşməyib və raketə özünü məhvetmə siqnalı göndərilib. Raket daşıyıcısı Taneqaşima Kosmik Mərkəzindən buraxılıb. Onun uçuşu raketin ikinci mərhələsində mühərriki işə salmaq üçün siqnal olmadıqdan sonra dayandırılıb.
Yaponiyanın təhsil, mədəniyyət, idman, elm və texnologiya naziri Keiko Naqaoka bildirib ki, səlahiyyətlilər missiyanın uğursuzluğunu araşdırmaq üçün qərargah yaradacaqlar. H3 raketi faydalı yükləri orbitə çıxarmaq üçün Yaponiyanın əsas daşıyıcısı olacaq. O, kosmosa səkkiz tona qədər faydalı yük çıxara bilər. NZ-nin ilk buraxılışı fevralın 17-nə planlaşdırılırdı, lakin birinci mərhələnin yan gücləndiricilərinin mühərriklərində nasazlıq yarandığına görə ləğv edildi.
