Tez yağ yandıran qidalar hansılardır?
Yağ yandıran qidalar öz kalorili məzmunundan daha çox kalori yandıran qida növləridir.
AFN.az Türkiyə mətbuatına istinadən xəbər verir ki, aclığı yatıran (xüsusilə tərkibində suyun faizi yüksək olan) və termojenik xüsusiyyətlərə malik qidalar bu kateqoriyaya aiddir.
Termogen qidalar orqanizm tərəfindən emal edilməsi üçün yüksək miqdarda enerji tələb edən, beləliklə maddələr mübadiləsini sürətləndirən və yığılmış yağların istehlakına başlayan qida növləridir.
Bu təsnifatlara daxil olan və tez bir zamanda kalori yandıran bəzi qidaları aşağıdakı kimi sadalaya bilərik:
Ananas
Ananasın strukturunda zülalların həzmini dəstəkləyən və selülit və yerli çəki artımından məsul olan ödemlə mübarizə aparan bromelain fermenti var. Tərkibindəki aşağı kalorililiyi bu xüsusiyyəti ilə birləşərək ananası ən güclü kalori yandıran qidalardan birinə çevirir.
O, həmçinin yağların bədən tərəfindən udulmasının qarşısını alır, selülitlə mübarizədə təsirli köməkçidir, həzmi dəstəkləyir və təmizləyici xüsusiyyətlərə malikdir. Ananas şirin dadı ilə ideal qəlyanaltıdır.
Avokado
Keçmişdə pəhrizlərin düşməni kimi göstərilən avokadonun tərkibindəki sağlam yağlar sayəsində maddələr mübadiləsini sürətləndirdiyi və aclığı yatırtdığı məlum olub. Bəli, həqiqətən yağlı bir tutarlılığa malikdir və çoxlu yağ turşularını ehtiva edir; lakin bunlar bədən üçün faydalı olan poli və mono doymamış yağlardır.
Avokadonun zəngin aroması aclıq hissini azaldır və beləliklə çox qurban vermədən arıqlamağa kömək edir və gündəlik pəhrizin bir hissəsinə çevrilir. Bundan əlavə, avokadonun gündəlik istehlakı emal edilməsi çətin olan şəkərlərin mübadiləsini yaxşılaşdırır.
Avokadonun antioksidan xüsusiyyətləri hüceyrə qocalmasının qarşısını alır, dərinin görünüşünü yaxşılaşdırır. Tərkibindəki zəngin vitaminlər immunitet sistemini gücləndirir.
Alma
Alma son dərəcə geniş istehlak edilən bir meyvədir və sağlamlığa əhəmiyyətli təsiri ilə bütün növ pəhrizlər üçün tövsiyə olunur. Bu meyvə aclıq hiss etmədən arıqlamağa kömək edən vitaminlər, minerallar və antioksidantlarla çox zəngindir.
Almanın tərkibindəki yüksək lif, vitamin, mineral və antioksidant maddələr mübadiləsi sürətini artıraraq yağların effektiv şəkildə yandırılmasına kömək edir.
Acı bibər
Acılı yeməkləri sevməyin başqa bir səbəbi. Acı bibərin tərkibində Kapsaisin mövcuddur ki, bu komponent də öz növbəsində lipolizi, yəni yağ mübadiləsini stimullaşdırır. Maddələr mübadiləsini sürətləndirməkdə təsirli olur və iştahı sakitləşdirməklə tanınır.
Bununla belə acı bibərdən istifadə həddindən artıq olmamalıdır. Çünki acıların həddindən artıq istehlakı səbəbiylə yanan ağzı sakitləşdirmə üsulları heç də pəhriz dostu deyil. Çörək yemək və süd içmək kimi.
Yaşıl çay
Yaşıl çayın dünyada ən məşhur içkilərdən biri olmasının səbəbi onun həm arıqlamağa böyük köməkçi olması, həm də çoxsaylı faydalar gətirən qida və antioksidantlarla zəngin olmasıdır. Yaşıl çayın tərkibində bədəndə yığılan iltihab əleyhinə və təmizləyici komponentlər var; hüceyrələri sərbəst radikalların təsirindən qoruyurlar.
Yaşıl çayın tərkibindəki yüksək vitamin və minerallar aşağı kalorili miqdarı ilə birləşdikdə metabolik funksiyalar yüksəlir və orqanizmin enerji yandırma qabiliyyəti güclənir. Bundan əlavə, sidikqovucu xüsusiyyətlərə malik yaşıl çay ödem və toxuma iltihabının müalicəsi üçün idealdır.
Darçın
Darçın arıqlamağa kömək edən yağ yandırıcı xüsusiyyətlərə malik ədviyyat növüdür. Darçın bədəndə istilik istehsalını artıraraq yağ və əzələ toxumalarına təsir edir. Piylərin azaldılması prosesi çəkidə də azalma gətirir.
Bu baxımdan darçının təsiri əslində acı bibərin nəticələri ilə üst-üstə düşür. Kapsaisin acı bibərdə istilik istehsalını başladan və yığılan yağ miqdarını azaldan maddədir. Darçının tərkibində aldehid adlı birləşmə enerji sərfiyyatını və yağın oksidləşməsini artırır.
Qulançar
Qulançarın pəhriz baxımından ideal yağ yandırıcı xüsusiyyəti ilə yanaşı, toksinləri xaric etdiyini, sidikqovucu xüsusiyyətlərə malik olduğunu və həzm üçün yüksək enerji tələb etdiyini bilirdinizmi?
Hər gün bir porsiya qulançar yemək dərinin daha nəmli və parlaq görünməsinə, arıqlamağa və daha incə görünməyə kömək edir. Qulançar həddindən artıq spirtli içki içənlər üçün də mükəmməl vasitədir. Belə ki, səhərlər baş ağrısı ilə oyandığınız zaman qaynadılmış qulançar yeyin və 30 dəqiqə içində özünüzə gəlməkdən həzz alın.
Kərəviz
Kərəvizi həzm etmək üçün lazım olan kalori miqdarı onun tərkibindəki kaloridən çoxdur. Yəni tərkibində yüksək su və lif olan bu tərəvəz piy yandırmaq üçün ideal vasitələrdən biridir.
Kərəvizin arıqlamağa kömək edən başqa bir xüsusiyyəti də toxluq hissi yaratmasıdır. Ümumiyyətlə ət souslarında istifadə edilən və ya sağlam qəlyanaltı olaraq istehlak edilən kərəviz, sağlam bəslənmənin ən vacib hissələrindən biridir və hər zaman arıqlayan qidalar siyahılarında öz yerini tapır.
