"Bazarstore"da “Karyera günü”
"Bazarstore" Supermarketlər şəbəkəsi işçi qəbulunu elan edir.
Mayın 19-da Gənclik metrosunun yaxınlığında yerləşən mağazada “Karyera günü” keçiriləcəkdir. “Karyera günü” çərçivəsində aşağıda qeyd olunan vakansiyalar üzrə müraciət edən namizədlərlə şirkətin İnsan Resursları Departamentinin nümayəndələri arasında birəbir görüş baş tutacaq.
• Satıcı
• Kassir
• Qəssab
• Mühafizə
Həmçinin qeyd etmək istəyirik ki, iş üçün müraciətlərinizi hər zaman istənilən mağazamızda yaza və ya https://bazarstore.az/content/9-karyera linkinə daxil olaraq edə bilərsiniz.
Hər biriniz gələcəyin rəhbəri ola bilərsiniz.
12 ildir pərakəndə sektorunun liderlərindən olan marketlər şəbəkəsində 4 minə yaxın əməkdaş çalışır. Qeyd edək ki, əməkdaşlarımızın rahat və güvənilən iş mühitində çalışması üçün hər bir şərait yaradılmışdır. İş saatı, əmək məzuniyyəti və digər bütün normalar tam rəsmi qaydada Azərbaycan Respublikasının Əmək Məcəlləsinə uyğun olaraq həyata keçirilir.
Bizimlə birgə çalışmaqla siz həm də müxtəlif təlimlərdə iştirak edib şəxsi inkişafınızı artıra bilərsiniz. Belə ki, Azərsun Holdinqin nəzdində “Azərsun Akademiyası” tərəfindən verilən təlimlər şəxsi keyfiyyətlərinizin, bilik və bacarıqlarınızın artırılmasında xüsusi rol oynayacaq.
Siz qısa zamanda market daxilində müxtəlif vəzifələrə yüksələ, rəhbər vəzifəsində çalışa bilərsiniz. Eyni zamanda sahib olduğunuz bilik və bacarıq, təhsilinizə uyğun olaraq Mərkəz Ofisdə həmçinin Azərsun Holdinq daxilində digər vakansiyalarda dəyərləndiriləcəksiniz.
Tələbələr üçün iş imkanı.
Tələbələr üçün də şad xəbərimiz var. Əgər təhsilinizlə yanaşı çalışmaq da istəyirsinizsə bizə müraciət edə bilərsiniz. Dərs saatları iş qrafikinə uyğun olan tələbələri aramızda görməkdən məmnun olarıq.
Qeyd edək ki, 2011-ci ildə “Azərsun Holdinq”in tərkibində yaradılan “Bazarstore” davamlı olaraq təzəlik, keyfiyyət, münasib qiymət, çeşidlilik və xidmətindən güzəştə getməyərək 87 mağazası və 4000-ə yaxın çalışanı ilə xidmət göstərir.
“Bazarstore” əsas prinsiplərində qeyd olunduğu kimi bu üstün xidmət üçün əl-ələ verib birlikdə güclənməyin, inkişaf üçün davamlı çalışmağın, müştərini sərvəti bilib sözündə etibarlı olmağın və məsuliyyətinin fərqindədir.
Bazarstore
İnsan Resursları Departamenti, +99412 404 19 70-75, *1900
