MAQATE İranın uran hissəcikləri ilə bağlı izahatlarını inandırıcı hesab edib
Agentliyin baş direktoru Rafael Qrossi Vyanada mətbuat konfransında deyib ki, MAQATE Marivan bölgəsindəki obyektdə tapılan süni uran hissəciklərinin görünməsinin səbəbləri ilə bağlı İranın izahatlarını iki dəfə yoxlaya bilməz, lakin Tehranın bəyanatlarını inandırıcı hesab edir.
“Biz İrandan inandırıcı cavab aldıq, ona görə də onların dediyi kimi baş verənləri istisna edə bilmərik. Bizim bunu sübut etmək və ya təkzib etmək üçün heç bir yolumuz yoxdur”.
Onun sözlərinə görə, agentlik müfəttişləri obyektdəki vəziyyəti qiymətləndirməyə davam edəcək.
“Biz dedik ki, daha geniş olan problemin bu komponenti ilə bağlı konkret suallarımız yoxdur. Biz çox konkret sınaqlar keçirdiyimiz bu obyekti qiymətləndirməyə davam edirik”, - deyə agentlik rəhbəri bildirib.
Keçən həftə MAQATE-nin əvvəllər Marivan bölgəsində hissəcikləri tapılan süni uranın mənşə mənbələrinin təhqiqatını dayandırdığı məlum olub. Bir sıra analitiklər tapıntını İranın gizli hərbi nüvə proqramı və 2000-ci illərin əvvəllərində partlayıcı maddələrlə aparılan təcrübələrlə əlaqələndirirlər.
Həmçinin qeyd olunub ki, Tehran əvvəllər Fordodakı nüvə obyektində aşkar edilmiş 83,7% səviyyəsinə qədər zənginləşdirilmiş uran hissəcikləri ilə bağlı MAQATE müfəttişləri ilə məsələni həll edib.
