Zelenski Stoltenberqi Ukrayna ordusunu demotivasiya etməkdə ittiham edib
Ukrayna prezidenti Vladimir Zelenski bildirib ki, NATO-nun baş katibi Yens Stoltenberqin Ukraynanın alyansa daxil olması perspektivləri ilə bağlı sözləri Ukrayna ordusunu ruhdan salır.
AFN.az-ın xəbərinə görə, BBC-yə müsahibəsində o bildirib: "Stoltenberq mənim mövqeyimi bilir - hər bir məsələdə olduğu kimi, mən də həmişə bu məsələni tamamilə birbaşa və açıq saxlayıram. Hesab edirəm ki, bu, dövlətimizi və ordumuzu tərk etməkdir, bu, ordumuzu demotivasiya etməkdir".
O, ölkənin təməlini ayaqlar altından yıxmamağa çağırıb: "NATO-ya qoşulmaq Ukrayna üçün motivasiyadır".
Stoltenberq iyulun 11-12-də keçiriləcək Vilnüs sammitində Ukraynanın NATO-ya üzv olmaq üçün dəvət almayacağını bildirib. "Bununla belə, Ukraynanı NATO-ya necə yaxınlaşdırmağı müzakirə etməyə hazırıq", - Stoltenberq əlavə edib. O vurğulayıb ki, blokun bütün dövlətləri Ukraynanın alyansa üzv olacağına razıdır.
Zelenski bildirib ki, Ukrayna NATO-nun iyul ayında Vilnüsdə keçiriləcək sammitində alyansın açıq qapıları haqda sözlərdən daha çox şey eşitmək istərdi. Bununla belə, ölkə hərbi əməliyyatlar davam etdiyi müddətdə NATO-ya üzv ola bilməyəcəklərini başa düşür. Ukrayna lideri 2022-ci ilin sentyabrında alyansa müraciət edib. Yeni ölkənin bloka qoşulması üçün onun bütün üzvlərinin razılığı lazımdır.
